रामेछाप – नेपाल तरुण दल रामेछापले टाहार गाउँका आगलागी पीडितलाई पानी जम्मा गर्ने हिल्टेक ट्याङ्की वितरण गरेको छ । नेपाल तरुण दल रामेछापले विहिवार टाहारमा स्वयम् पिडित परिवारलाई १३ घर पिडितलाई ५ सय लिटरको १३ वटा पानी जम्मा गर्ने हिल्टेक ट्याङ्की वितरण गरिएको हो । तरुण दल रामेछापले तरुणहरुको सहयोग तथा तरुण दलको आन्तरीक श्रोतबाट हिल्टेक ट्याङ्की पिडितलाई हस्तान्तरण गरिएको जिल्ला उपसभापति बासु फुयालले बताए ।
सुख्खायाम भएकोले आगोलागीका कारण खानेपानीको लागी अभाव नहोस् भन्ने हेतुले पिडितलाई पानी जम्मा गर्न हिल्टेक ट्याङ्की प्रदान गरिएको नेपाल तरुण दल रामेछापका अध्यक्ष काजि बहादुर खड्का (दिनेश) ले बताए ।
रामेछाप नगरपालिका नगर प्रमुख लवश्री न्यौपानेले यस आगलागी पिडितहरुका लागि राहत वितरण प्रभावकारी ढंगले अगाडी बढाउन विभिन्न निकायबाट आउने विभिन्न सहयोगहरु नगरपालिकाले एकद्धरप्रणाली लागु गरेको बताए ।
विहिबार २९ गते भएको कार्यक्रममा रामेछाप नगरपालीका वडा नं. ७ का अध्यक्ष एवम् प्रवक्ता समीर कार्की, नेपाल तरुण दल रामेछापका उपाध्यक्ष जीवन कार्की लगाएतको उपस्थिति रहेको थियो । गत चैत्र १ गते टाहार गाउँमा आगलागी हुँदा १३ घर, १४ गोठ जलेर नष्ट भएका थिए ।
