एक हप्ता देखि अवरुद्ध रहेको मन्थली –किर्ने –चरिकोट –काठमाडौँ सडक खुल्यो

रामेछाप १६ असोज । एक हप्ता देखि अवरुद्ध रहेको मन्थली –किर्ने –चरिकोट –काठमाडौँ सडक खुलेको छ । बुधवार रामेछाप जिल्लाका जन प्रतिनिधि र नेपाल विद्युत् प्राधिकरणका कार्यकारी निर्देशक कुलमान घिसिङ समेतको पहलमा वैकल्पिक रूपमा ट्याक निर्माण गरे सँगै उक्त सडक खुलेको हो ।
एक हप्ता अघि तामाकोशि नदिमा आएको बाढीले दोलखा जिल्लाको किर्नेटार सडक खण्डको किर्ने हाईड्रो पावर हावस नजिकैको सडक कटान गरी वगाएकोे थियो ।उक्त सडक र खुर्कोटको पुल बगाए सँगै रामेछाप जिल्ला सडक यातायातमा सबै जिल्ला सँग सम्पर्क विहीन अवस्थामा रहेको थियो । जसका कारण इमरजेन्सी बिरामी लाई उपचार गराउन बाहिर लैजान र यात्रीहरू सबैलाई लक्ष्यमा पुग्न समस्या परेको थियो ।
मुख्य राजमार्गबाट तत्काल सडक खुलाउन सक्ने सम्भावना नभएको अवस्थामा परियोजनाको क्याम्प भित्र बाट मात्र अस्थायी सडक सञ्चालन गर्नु बाहेक विकल्प नभएपछि । रामेछापका जन प्रतिनिधिहरूले नेपाल विद्युत् प्राधिकरणका कार्यकारी निर्देशक कुल मान घिसिङ समेतको सहयोग माग गरेका थिए ।
जिल्लाको असहज अवस्था र सोही मागको आधारमा रामेछाप आएका घिसिङले अस्थायी सडक खुलाउने बारेमा रामेछापका जन प्रतिनिधिहरू सँगै संयुक्त रूपमा हस्ताक्षर गरेपछि उक्त सडकको अस्थायी ट्र्याक खुलेको रामेछाप जिल्लाका समन्वय उप प्रमुख प्रेम सागर थापाले बताउनु भयो ।
अस्थायी ट्र्याक खोलिए सँगै जिल्लाको पुरानो यातायात सेवा समिति अरनिको यातायात सेवा समितिले बिहीबार वाटै आफ्नो सेवालाई निरन्तरता दिने जनाएको छ । उसले सुनकोसी र तामाकोशि नदिले सडक भत्काए सँगै अवरुद्ध वनेको मन्थली किर्ने –चरिकोट –काठमाडौँ सडकमा रामेछाप जिल्ला हुँदै बाहिरिने र रामेछाप भित्रने सबै बसहरू बिहीबार वाट नियमित सञ्चालनमा आउने जनाएको छ ।
आज सम्म सडक अवरुद्ध भएका कारण सेवा दिन नसकीएको भए पनि बिहीबार वाट भने मन्थली काठमाडौँ र काठमाडौँ देखि मन्थली सम्म सञ्चालन हुने नियमित रुटको सेवा निर्वाध सञ्चालनमा ल्याइने अरनिको सेवा समिति रामेछापका प्रमुख सुवास फुयाँलले जानकारी दिनु भयो । उहाँले सदरमुकाम देखि ग्रामीण क्षेत्रका गाडीहरूको हकमा भने त्यहाँका सडक सुचारु भएसँगै सेवा प्रवाह गरिने पनि प्रमुख फुयाँलले बताउनु भयो ।