क्यान्सर पीडित खड्कालाई रामेछापका काँग्रेस नेताहरुले गरे नगद सहयोग

रामेछाप । नेपाली काग्रँेस रामेछापका नेताहरुले हड्डी क्यान्सर पिडित शिवबहादुर खड्कालाई नगद सहयोग गरेका छन् । मन्थली नगरपालिका ३ कठजोर निवासी शिवबहादुर खड्का विगत केहि समय देखि हड्डी क्यान्सरबाट पीडित थिए । खड्काको आर्थिक अवस्था अत्यन्तै नाजुक भएकाले उपचारका लागी त्यसै वडाका नेपाली काँग्रेसका यूवा नेता तथा क्षेत्रीय सचिव राजकुमार केसी, सुरेश बस्नेतले संयूक्त रुपमा नगद संकलन गरि २ लाख २२ हजार ४ सय ९१ रुपैयाँ नेपाली काग्रँेस रामेछाप (क) क्षेत्रीय सभापति निरोज खड्का, महाधिवेशन प्रतिनिधि यूवराज भट्टराई लगायतको उपस्थितिमा सम्बन्धित पीडितलाई हस्तान्तरण गरे ।
क्यान्सर पीडित खड्काले नेपाली काँग्रेसका यूवाहरुले आफ्नो स्वास्थ्यप्रति देखाएको चिन्ता, चासो र सहयोगले ठुलो राहत महसुस भएको बताए ।
केहि साथीहरुले अझै सहयोगको बचन दिनुभएको छ । यो रकममा अरु केहि थप हुन सक्छ । हाम्रो प्रयासले उहाँलाई डायलासिस गर्न थोरै भएपनि मदत मिल्ने अपेक्षा गरेका छौं ’अभियन्ता राजकुमार केसीले भने । सो रकम करिव ८० जना नेता तथा कार्यकर्ताबाट संकलित गरिएको थियो ।