कोदालो बोकेर योजना अनुगमन गर्ने, ल्यावटेष्ट परीक्षण पछि मात्र योजना भुक्तानी गर्ने

रामेछाप । गाउँपालिकाले सञ्चालन गरेको योजनाहरूको अनुगमन गर्न आफै कोदालो बोकेर हिँड्ने लिखुतामाकोशी गाउँपालिकाका प्रमुख प्रशासकीय अधिकृत धनेन्द्र भुजेलले बताए । प्रमुख प्रशासकीय अधिकृत भुजेलले भने– गाउँपालिकाका अधिकांश योजना भौतिक पूर्वाधार तर्फका हुने र त्यसमा पनि धेरै मात्रामा सडक स्तरोन्नति हुने गर्दछ । सडक स्तरोन्नति गर्दा सोलिङको काम धेरै हुने हुँदा सोलिङको अनुगमनका गर्दा शङ्का लागेमा बोकेर गएको कोदालोले खनेर हेरेर गुणस्तर परीक्षण गरिनेछ ।
सोलिङ कम्तीमा दह्रो जमिनबाट १५ सेन्टी ढुगां गाडेको हुनु पर्ने र नभए भुक्तानी नगरिने भुजेलले थपे । यस्ता योजनाहरू पुनःनिमार्ण पछि मात्रै स्टमेट अनुसारको काम भए पछि भुक्तानी गरिने उनले बताए ।
सडक, भवन लगायतको कामको गुणस्तर मेसिन द्वारा ल्यावटेष्ट परीक्षण गरेर मात्रै योजनाको भुक्तानी गरिने भुजेलले बताए । योजना अनुगमन चुस्तदुरुस्त हुनेमा कुनै शङ्का नगर्न उनले पालिकावासीहरूमा अनुरोध गरे ।
विगतका समयमा उपभोक्ता समितिले राम्रो काम नगरेको भन्ने जन गुनासो यत्रतत्र आएको हुँदा अनुगमलाई गुणस्तरीय बनाउनको लागी पालिकाले यो विधि अपनाउन लागेको भुजेलले बताए । उनले भने – पालिकावासी ढुक्क हुँदा हुन्छ, लिखुतामाकोशी गाउँपालिकाले सञ्चालन गरेको योजनाहरूको गुणस्तरमा कुनै पनि तल माथि हुन दिन्न् ।