वार्षिक प्रगति समीक्षा कार्यक्रमका अवसरमा दुई नगरपालिका सम्मानित

जिल्ला समन्वय समिति रामेछापले रामेछाप नगरपालिका र मन्थली नगरपालिकालाई सम्मान गरेको छ । वार्षिक प्रगति समीक्षा कार्यक्रमका अवसरमा वित्तीय सुशासन जोखिम मूल्याङ्कनमा मन्थली नगरपालिका र स्थानीय तह संस्थागत स्वमूल्याङ्कनमा रामेछाप नगरपालिकाले उत्कृष्ट अंक प्राप्त गरेको भन्दै कदर पत्रद्वारा सम्मान गरिएको हो ।
सरकारी मापदण्डका आधारमा जिल्ला समन्वय समितिले सवै पालिकाहरूलाई समावेश गरी गरेको मूल्याङ्कनमा दुई वटा फरक फरक विधामा उत्कृष्ट अंक ल्याउने पालिकालाई सम्मान गरिएको जिसस प्रमुख चिना खड्काले बताइन् । आगामी वर्षबाट अन्य स्थानीय निकायहरूलाई पनि मूल्याङ्कनको कसीमा आउने गरी काम गर्न पनि खड्काले आग्रह गरिन् । उनले जिल्लाको समग्र विकासको मूल प्रवाहका लागि जन प्रतिनिधि,सरकारी कर्मचारी र नागरिक समाजको समेतको उत्तिकै हात रहेको भन्दै जिल्लाको विकासमा सबैलाई एक जुट भएर लाग्न समेत आग्रह गरिन् ।