सिन्धुली जाँदै गरेको सुमो भटौलीमा दुर्घटना

रामेछाप, २२ असोज। जिल्लाको मन्थली नगरपालिका वडा नं ७ भटौलीमा टाटा सुमो दुर्घटना भएको छ ।
मंगलबार बिहान ४: २० बजेको समयमा भटौली पुल भन्दा माथि मन्थली–खाँडादेवी–सित्खा सडकखण्डमा काठमाण्डौबाट दोलखाको बाटो हुँदै सिन्धुली जाँदै गरेको ना १ ज ८७८२ नं को सुमो अनियन्त्रित भई पल्टँदा चालक घाइते भएका हुन् ।
घाइते हुनेमा चालक सिन्धुलीको फिक्कल गाउँपालिका ४ बस्ने २२ वर्षीय उद्वब श्रेष्ठ रहेको जिल्ला प्रहरी कार्यालय रामेछापले जनाएको हो । घाइते श्रेष्ठको उद्धार गरी तामाकोशी अस्पताल मन्थलीमा उपचार भइरहेको छ । उनको दाहिने हात र ढाडमा चोट लागेको छ । उनको अवस्था मध्यम रहेको छ ।