सुमो दुर्घटना हुदाँ तीन जना घाइते

रामेछाप । खाँडादेवी गाउँपालिका वडा नं. ९ पिङ्गखुरी , वरबोटमा सुमो दुर्घटना भएको छ । आज (आईतबार) बिहान अन्दाजी ०६ः५० बजेको समयमा खाँडादेवी गाउँपालिका ९ पिङ्गखुरीबाट काठमाडौँ तर्फ जाँदै गरेको ना १ ज ५६२६ नम्बरको सुमो दुर्घटना भएको हो । दुर्घटनामा एकै परिवारका तीन जना घाइते भएका छन् ।
घाइते हुनेमा वर्ष २४ का दिपेन्द्र भण्डारी, वर्ष १६ की एलिसा भण्डारी र वर्ष १४ की एमुना भण्डारी रहेका छन् । घाइते दिपेन्द्र भण्डारीको छाती र मुखमा चोट देखिएकोले उपचारका लागी बिएण्डबी अस्पताल पठाइएको छ, भने अन्य २ को आस्था सामान्य रहेका जिल्ला प्रहरी कार्यालय रामेछापले बताएको छ ।
वर्ष २२ का चालक विष्णु भण्डारीलाई नियन्त्रणमा लिएर थप अनुसन्धान भैरहेको प्रहरीले जनाएको छ । दुर्घटना भएको सुमो सडकबाट अन्दाजी ३५ मिटर तल खसेको छ ।