रामेछाप । गठवन्धनका उम्मेदवारलाई हराउँदै मन्थली शहिद स्मृति बहुमुखी क्याम्पसको सञ्चालक समितिको अध्यक्षमा नेकपा एमालेका उम्मेदवार उज्वल सुवेदी विजयी भएका छन् ।
क्याम्पस संञ्चालक समितिको पदाधिकारीको लागि आइतवार भएको निर्वाचनमा उज्वल सुवेदीले ६० मत प्राप्त गरी विजयी भएका हुन् । उनका प्रतिद्धन्दी गठवन्धनका उम्मेदवार नवजार घिमिरेले ५५ मत मात्रै प्राप्त गरेका थिए । त्यसैगरी क्याम्पस संञ्चालक समितिको सदस्य पदहरुमा युवराज सुुवेदीले ९४ मत, दीपक प्रसाईले ८२ मत, रामचन्द्र अधिकारीले ६८ मत र नविन केसीले ६४ मत प्राप्त गरी विजयी भएका छन् ।
यसबाहेक सावित्रि घिमिरे (काफ्ले) भने निर्वाचन प्रक्रिया अघि नै निर्विरोध निर्वाचित भएकी थिइन । सदस्य पदमा उम्मेदवार दिएकाहरु मध्ये रमेश कुमार उदाशले ५२ मत र शान्ता सुुवेदीले ५० मत प्राप्त गरी पराजित भएका थिए । क्याम्पस संञ्चालक समितिमा ६ जना निर्वाचित र ४ जना मनोनित साथै अन्य ९ जना पदेन सदस्य रहने गरी १९ जना रहने प्रावधान रहेको छ ।
