रामेछाप । खाँडादेवी गाउँपालिकामा शुक्रवारबाट आठौँ राष्ट्रिय प्रोफेसनल तेक्वान्दो आइटिएफ प्रतियोगिता सुरु भएको हो । रामेछाप तेक्वान्दो आइ टि एफ को आयोजना तथा खाँडादेवी गाँउपालिका र खाँडादेवी गाउँपालिका वडा नं ७ को सह आयोजनामा चलिरहेको उक्त प्रतियोगितामा ७ वटा प्रदेश, नेपाली सेना, नेपाल आर्मी, सशस्त्र प्रहरी र आयोजक टिम सहित ११ वटा टिमका ४४ खेलाडीको सहभागिता रहेको छ ।
प्रतियोगिताको खाँडादेवी गाउँपालिका अध्यक्ष ज्ञानकुमार श्रेष्ठले दीप प्रज्वलित गरी उद्घाटन गरे । कार्यक्रममा तेक्वान्दो आईटीएफको प्रवर्धनमा उल्लेख्य भूमिका निर्वाह गरेको भन्दै श्रेष्ठलाई ब्ल्याक बेल्टको उपाधि प्रदान गरिएको छ । अन्तर्राष्ट्रिय तेक्वान्दो महासंघ नेपालका अध्यक्ष प्रवीणकुमार कार्कीले श्रेष्ठलाई ड्रेस र ब्ल्याक बेल्ट तथा लोगो पहिर्याएर सम्मान प्रकट गरे ।
खेलकुदले देशलाई जोड्ने काम गर्ने र खेलले अनुशासन, एकता र समन्वयको काम गर्ने मन्थली नगरपालिका प्रमुख लब श्रेष्ठले बताए ।
खेलकुदको माध्यमबाट पर्यटन प्रवर्धन समेत गर्न सकिने वाग्मती प्रदेका पूर्व मन्त्री तथा नेकपा एमाले वाग्मती प्रदेश कमिटी सदस्य शान्तिप्रसाद पौडेलले बताए ।
आत्मसुरक्षा र आत्मबलको लागि पनि तेक्वान्दोको जरुरी रहेको नेपाली काँग्रेस रामेछापका उपसभापति नवराज थोकरले बताए । खेल पर्यटनको लागि यस्ता राष्ट्रिय स्तरका प्रतियोगिताले सहयोग पुग्ने पनि उनले बताए ।
खाँडादेवी गाउँपालिकामा राष्ट्रिय स्तरको प्रतियोगिता हुनु गौरवको विषय भएको नेकपा एमाले रामेछापका उपाध्यक्ष इन्द्र तामाङले बताए । मार्सल आर्टको महत्त्व बारे ओलम्पियन दीपक विष्ट लगायतले प्रष्ट पारेका थिए । कार्यक्रममा माओवादीका प्रतिनिधि भने देखिएन ।
सोही कार्यक्रमको अवसरमा अन्तर्राष्ट्रिय प्रतियोगितामा खाँडादेवी गाउँपालिकाबाट विजयी भएका खेलाडीलाई प्रोत्साहन स्वरूप खाँडादेवी गाउँपालिका वडा नं.–६ का वडाध्यक्ष नारायण कार्कीले एकमुष्ट ५० हजार रुपैयाँ नगद प्रदान गरे ।
महिला र पुरुष दुवै समूहको खेलमा प्रथम द्वितीय र तृतीय हुने प्रतियोगीहरूलाई क्रमशः नगद रु ५० हजार, ४० हजार र ३० हजार सहित शिल्ड मेडल र प्रमाणपत्र प्रदान गरिने आयोजनले जनाएको छ ।
प्रतियोगितामा महिला तर्फ ४७ देखि ५५ केजि समूह र पुरुष तर्फ ५० देखि ५७ केजी तौल समूहका खेलाडीले भाग लिइरहेका छन् । खेल शुक्रवार र शनिवार दुई दिन चल्ने आयोजकले बताएको छ ।
आठौँ राष्ट्रिय प्रोफेसनल तेक्वान्दो आइटिएफ प्रतियोगिता सुरु
Shares:
रामेछाप । अहिले तिव्र गतिमा बढ्दै गएको प्रविधिको बिकास संगसंगै शिक्षकहरुले आफुलाई प्रबिधि मैत्री बनाउन नसक्नु अहिलेको शिक्षा क्षेत्रको प्रमुख चुनौति भएको सरोकारवालाहरुले बताएका छन् ।जिल्ला सदरमुकाम मन्थलीमा आयोजित प्रिन्सीपल
रामेछाप । सरकारी सेवा जनताको भरोसामा टिकेको हुन्छ। तर भरोसा चर्किएको बेला भाषणले मात्र टाल्न सकिँदैन। यही यथार्थ प्रष्ट देखियो मन्थलीमा आयोजित ‘हुलाक सेवा सम्बन्धी स्थानीय तहसँग अन्तक्र्रिया’ कार्यक्रममा ।
स्वास्थ्य क्षेत्र सबैको पहुँचमा हुनु पर्छ ः मन्त्री थापारामेछाप । वाग्मती प्रदेशका स्वास्थ्य मन्त्री किरण थापा मगरले स्वास्थ्य क्षेत्र सबैको पहुँचमा हुनु पर्ने बताएका छन् । आइतबार जिल्लाको खाँडादेवी गाउँपालिका–७
रामेछाप । जिल्लाको रामेछाप नगरपालिका वडा नं ७ मुगानमा एक महिलाको शव फेला परेको छ । अन्दाजी वर्ष ५८ की चिनिमायाँ हायु घरमा मृत अवस्थामा फेला परेको प्रहरीले जानकारी दिएको