रामेछाप । मन्थली नगर स्तरीय ८ औँे राष्ट्रपति रनिङ शिल्ड प्रतियोगिताको उपाधि मन्थली माविले हात पारेको छ ।
गएको बिहीबार देखि मन्थली मा वि को खेल मैदानमा भएको विभिन्न विधामा ६६ स्वर्ण, ६६ रजत र ७९ काश्यसहित २११ पदकको लागि भएको प्रतियोगीतामा मन्थली मा वि ले ३४ वटा स्वर्ण २९ रजत र १७ काश्य सहित कूल ८० पदक जितेको छ । त्यस्तै तामाकोशी बोर्डिङ स्कुल ११ वटा स्वर्णसहित १४ रजत र १६ कांस्य गरी ४१ पदक ल्याई दोस्रो भएको छ ।
विजेता मन्थली माविले नगद ४० हजारसहित शिल्ड, ट्रफि, मेडल र प्रमाणपत्र प्राप्त गरेको छ । ११ वटा स्वर्णसहित १४ रजत र १६ कांस्य गरी ४१ पदक जितेको तामाकोशी बोर्डिङ स्कूलले नगद २५ हजारसहित ट्रफि, मेडल र प्रमाण पत्र प्राप्त गरेको छ ।
निलकण्ठेश्वर मावि कठजोरले नगद ५ हजारसहित सान्त्वना पुरस्कारमा चित्त बुझाएको छ । केब्सले ७ स्वर्ण, ३ रजत र ६ कास्य गरी कूल १६ वटा पदक जितेर तेस्रो बन्दा ४ स्वर्ण, ७ रजत र ५ काश्यसहित १६ पदक जितेर निलकण्ठेश्वर सान्त्वना बनेको हो ।
मन्थली नगरपालिका वडा नं १४ को कालीदेवी मावि र बौद्ध मावि, वडा नं १२ गेलुको शारदा मावि र वडा नं १० चनखुको सरस्वती माविले कुनै पदक पनि हात पार्न सकेनन् ।
सम्पन्न प्रतियोगीतामा विजेता खेलाडीहरूलाई मन्थली नगरपालिकाका प्रमुख लव श्रेष्ठ, मन्थलीमा माविको विद्यालय व्यवस्थापन समितिका अध्यक्ष कुमार श्रेष्ठसहितले संयुक्त रूपमा नगदसहित शिल्ड, मेडल र प्रमाणपत्र प्रदान गरेका थिए ।
